Tugon:
Kung hindi sasabihin ng ate ko na siya ang kumuha, aaminin ko kung ang katotohanan at sasabihin ko ito sa aking ama. O kaya naman pagsasabihan o papayuhan ang aking ate na umamin na agad sa nagawa niyang mali at humingi ng pasensya kay tatay at kay kuya.
Dahilan:
Ang paggawa ng ganitong pagkilos ay pagpapakita ng pagmamahal mo sa kanila. Kasabay nito ay maunawaan ng ate ko na mali ang ginawa niya at hindi na ito dapat maulit pa. Magsisilbing babala na ito sa kaniya. Gayundin, magdudulot ng kapayapaan at mababawasan ang alitan kung aaminin ang katotohanan. At kahit magtampo o magalit man sa akin ang ate ko, hahayaan ko nalang iyon basta ang mahalaga ang magiging nasa tama at makatarungan.
Paliwanag:
- Mahalaga sa takbo ng buhay natin ang mabuting pakikipagkapuwa natin sa lahat, lalo na sa loob ng pamilya. Kailangan na pairalin rin natin ang pagiging makatarungan kahit sangkot nito ang mahal natin sa buhay. Dapat magkaroon ng paninindigan sa tama at hindi kunsintihin ang kamalian. Gayundin, malaking bagay rin ang pagiging tapat at pag-amin sa kamaliang nagawa upang magkaunawaan at maging maayos ang pagsasama.
- Sa ibang mga pagkakataon, marahil ay mapaharap sa gipit na sitwasyon na masubok ang pagiging makatarungan natin sa ilang bagay. Baka masuhulan tayo o kaya naman takutin kung ibubunyag ang maling mga gawa. Huwag sana tayo magpadala sa ganitong mga impluwensiya sa atin dahil hindi ito magdudulot ng magandang buhay. Maisasapanganib mo lang ang sarili mo lalo na ang mga taong maaapektuhan dito.
- Kaya kailangan isaisip lagi ang bagay na may katarungan sa lahat ng bagay. Pumanig sa kung ano ang katotohanan at hindi ang kasinungalingan o kasamaan. Maging matalino tayo sa mga gagawin nating mga pagkilos at pagdedesisyon may kaugnayan sa mga bagay na ito.
Para makapagbasa ng higit, bisitahin ang mga link na ito:
Sampung halimbawa ng pagiging makatarungan at hindi pagiging makatarungan: brainly.ph/question/1977496
Ang angkop bilang makatarungan: brainly.ph/question/1965480
#BrainlyEveryday
