Sagot :
“Ang pagpapaumanhin ay hindi laging kabaitan, siya’y kasamaan pag nag-uudyok sa paniniíl: walang mang-aalipin doon sa walang napaaalipin. ¡Ay! ang tao’y sadyang may kasamaan, na kailan ma’y nagpapakalabis pag nakakatagpo ng uma-alinsunod.”
Ito ay isang linyang mula sa mga palitan nina Simoun at Basilio sa Kabanata 7 ng sikat na nobelang El Filibusterismo ni Dr. Jose Rizal. Bagamat mahigit isang daang taon na ang nakalipas nang isinulat ang mga salitang ito, nanatili pa ring totoo ang kahulugan nito. Sa panahon ngayon, kasalanan na ring maituturing kung mananatili tayong magbubulagbulagan kahit na alam na natin ang katotohanan. Bilang kabataan at pag-asa ng bayan, gamitin natin ang ating mga boses upang labanan ang mga mapang-abuso at di-makataong patakaran at sistema, pati na rin ang mga nagkakalat na #FakeNews sa panahong napakadali nang magpalaganap ng maling impormasyon.
Sa kasalukuyan, usap-usapan pa ring ang katatapos lang na eleksyon na kung saan marami pa rin sa ating mga kababayan ang hindi pa rin natuto sa mga nagdaang taon. Kung patuloy nating iluluklok at bibigyan ng kapangyarihan ang mga mandarambong at mga gahaman, mananatili na lamang tayong lugmok sa kahirapan habang sila ay nagpapakasayang gumagastos sa kaban ng bayan. Kung patuloy na lang tayong magpapadala sa mga matatamis nilang mga pangako na puro namang kasinungalingan, habang buhay na lamang nila tayong papaikutin at aabusuhin. Kung hindi tayo aaksyon, mananatili tayong mga alipin sa kanilang mga mata.
Explanation: