Gawain A Panuto: Basahin at unawain ang teksto. Sagutan ang mga sumusunod na katanungan. ANG PISTA SA AMING BAYAN Masayang-masaya ang lahat. Araw ng pista ngayon sa aming bayan. Maraming tao ang nagsimba. Masigla at masaya ang kalembang ng kampana sa simbahan. Walang tigil ang masipag na banda ng musiko sa paglibot sa mga lansangan habang nagbibigay ng masiglang tugtugin. Naggagandahan ang mga arko sa mga panulukan ng mga kalye. Naku, higit sa lahat kabi-kabila ang handaan. May mga naglilitson dito at doon. Malalaking talyasi ng pagkain ang nakasalang sa kalan sa mga kusina at sa mga bakuran. Mula tanghalian hanggang hapunan ay pagsasalo-saluhan ang mga inihandang pagkain ng mga magkakamag-anak, magkakaibigan at mga panauhin. Kainan na hindi matapos- tapos. Ganyan ang pista. Nakalulungkot tuloy isipin ay tila kainan na lamang at nawawala na ang diwang ispiritwal ng okasyon. E, bakit nga ba may pista? Hindi ba't nagdudulot lamang ito ng malaking gastos? Hindi ba't malaking pag-aabala ito? Pero sadyang hindi na maiaalis sa kulturang Pilipino ang pagpipista at pamimista. Ito'y isang kaugaliang minana pa natin sa ating mga ninuno. Ang pista ay araw ng pasasalamat sa Poong Maykapal sa mga biyayang ipinagkaloob Niya sa mga tao. Ito ay araw ng pagdakila, pagpuri at pagpaparangal sa Panginoon. (Hango sa Landas sa Pagbasa 6, pahina 24-26) Mga Tanong: DOI 1. Tungkol saan ang tekstong binasa? 2. Ano ang ibig sabihin ng pista? 3. Anong suliranin ang nais palabasin ng kuwentong ito? 4. Magkuwento ng inyong karanasan na natutulad sa mga suliraning inyong nabasa sa teksto? 5. ano ang pinaniniwalaan ng may akda na nais iparating sa pagbabasa tungkol sa pagdiriwang ng pista ng bayan?​