4-9. Basahin ang talaarawan ni Ana at sagutin ang mga katanungan.
Oktubre 8, 2020
Sa araw na ito ay nakuha ng aking nanay ang mga modyul ko sa
paaralan. Sabik na sabik kong makita kung ano-ano ang nilalaman ng mga ito.
Una kong kinuha ang modyul sa asignaturang Filipino sapagkat paborito ko ito.
Ang unang modyul ay tungkol sa Pangngalan. Binasa ko ito nang maigi.
Pagkatapos ay sinagutan ko ang mga katanungan. Naging madali lamang para
sa akin ang pagsagot sapagkat maayos at kumpleto ang pagkakalahad ng aralin.
Natapos ko sa araw na ito ang modyul sa Filipino. Bukas ko na babasahin ang
iba pang modyul.

4. Kailan isinulat ni Ana ang kanyang talaarawan?
A. Oktubre 8, 2020 C. Oktubre 10, 2020
B. Oktubre 9, 2020 D. Oktubre 11, 2020
5. Sino ang kumuha ng modyul ni Ana sa paaralan?
A. Ate B. Kuya C. Nanay D. Tatay
6. Ano ang naging damdamin ni Ana nang makita niya ang kanyang mga modyul?
A. malungkot B. nagalit C. natakot D. sabik na sabik
7. Anong asignatura ang unang binasa at sinagutan ni Ana?
A. Agham B. Filipino C. Matematika D. Musika
8. Bakit madali para kay Ana ang pagsagot sa mga katanungan?
A. dahil magulo ang pagkakalahad ng mga aralin
B. kulang ang mga impormasyon tungkol sa aralin
C. maayos at kumpleto ang pagkakalahad ng mga aralin.
D. gumagamit ng mga mahihirap na mga salita sa paglalahad ng aralin