Maghahating gabi na noon. Tahimik na ang buong paligid. Handa nang matulog ang pamilya ni Sen. Cipriano Primicias. Ngunit hindi pa gaanong nagtagal nang biglang may kumatok. Halos mag-iika 12 na ng hatinggabi. Narinig ito ng drayber na doon lamang natutulog sa ibaba. Sinilip niya kung sino ang taong kumakatok sa tarangkahan. Sinabi ng tsuper kay Gng.Primicias na tila o parang si Pang. Ramon Magsaysay ang nakita niyang kumatok. Hindi nga nagkamali ang drayber. Pinasundo ni Gng. Primicias ang Pangulo sa kanilang drayber. Dali-dali naming ginising ni Gng. Primicias si Sen. Primicias. Tumagal nang mahigit dalawang oras ang pag-uusap ng dalawa. Habang sila'y naguusap,kumalat ang balita sa buong kapitbahayan ng mga Primicias na naroon sa kanilang lugar ang Pangulo. Nagulat si Pang. Magsaysay nang sa kaniyang paglabas ay napakaraming tao ang nakaabang sa kaniya sa tarangkahan.
