Ang Patintero ay Larong Pinoy na maaaring laruin sa labas ng bahay o lugar na mayroong malaking espasyo. Ito ay maaaring laruin ng anim o higit pang mga manlalaro. Ang laro ay nahahati sa dalawang koponan na may pantay na bilang ng manlalaro. Una ay kailangang gumuhit ng mga parisukat depende sa dami ng manlalaro. Ang layunin ng mga manlalaro ay dumaan at lumagpas sa bawat taong haharang sa kanila at makabalik sa unahan nang walang tumataya sa kanila. Ang tayang manlalaro sa unang linya ay maaaring pumunta sa kahit anong bahagi ng linya upang tumaya ng tatakbo, habang ang taya sa pangalawa, pangatlo at iba pang linya ay kailangang manatili sa kaniya-kaniyang linya upang hintayin na lumapit ang mga tatakbong manlalaro. Ang siyang mananalong grupo ay bubuhatin sa likod ng natalong grupo na kung tawagin ay “piggy-back-ride” sa Ingles.
Mukhang masaya, hindi ba? Tara, Laro! Sasali ako, Sasali Ka Ba?
