Answer:
Dahil dito nagpadala ang mga Pilipino ng mga misyong pangkalayaan sa Estados Unidos. Ang unang misyon ay pinangunahan ni Manuel L. Quezon noong 1919. Bagamat sinuportahan ito ni Gobernador-Heneral Harrison, ipinagpaliban ng kongreso ang kahilingan ng misyon. Sumunod na ipinadala ng bansa ang misyong OsRox na pinamunuan nina Sergio Osmeña at Manuel Roxas noong 1931. Naging bunga ng misyong ito ang pagpapatibay ng Hare-Hawes-Cutting Bill noong 1932. Sang-ayon dito, ipagkakaloob sa Pilipinas ang kalayaan matapos ang 10 taong paghahanda, pagtatatag ng base-militar ng Estados Unidos sa bansa at ang pagtatakda ng bilang ng mga Pilipinong mandarayuhan sa Estados Unidos. Tinanggihan ito ng mga mambabatas na Pilipino kaya’t nagpadala muli ng misyon sa Estados Unidos sa pamumuno ni Manuel L. Quezon noong 1933. Sa tulong nina Senador Millard Tydings at kinatawan John McDuffie ay nilagdaan ni Pangulong Franklin Delano Roosevelt noong Marso 24, 1934 ang Batas Tydings-McDuffie ang binagong Hare-Hawes-Cutting Bill. Sa ilalim ng batas na ito inisa-isa ang mga hakbang tungo sa kalayaan ng Pilipinas. Tinanggap at pinagtibay ng Asamblea ng Pilipinas ang Batas Tydings-McDuffie noong Mayo 1, 1934. Kasunod nito, binuo ang Constitutional Convention o Concon noong Hulyo 10, 1934. Pinangunahan ito ni Claro M. Recto kasama ang mga kinatawan mula sa iba’t ibang lipunan. Sila rin ang nanguna sa paggawa at pagsulat ng saligang batas na pinagtibay noong Pebrero 1935 at nilagdaan ni Pangulong Franklin D. Roosevelt noong Marso, 1935. Nagkaroon ng isang halalan noong Mayo 14, 1935 upang maaprubahan ng mga Pilipino ang nabuong saligang batas. Ang Saligang Batas na ito ay kilala bilang Saligang Batas ng 1935 na ipinatupad pa hanggang taong 1971.
Pa brainliest po thanks :)
