Sagot :
Answer:
Ang distance learning ay isang paraan ng pag-aaral kung saan ay bino-broadcast ang mga lektura o ang mga klase ay isinasagawa sa pamamagitan ng pagsusulatan o sa internet. Sa ganitong paraan ay hindi na kinakailangang pumunta ng mag-aaral sa isang paaralan o kolehiyo (Stafford Global, Org. 2020). Ang modyular na pagkatuto o modular learning ayon kay Manlangit et.al (2020)“ is a form of distance learning that uses Self-Learning Modules (SLM) based on themost essential learning competencies (MELCS) provided by DepEd”. Ito ay isang sistemang ginawa ng Department of Education o DepEd upang makapag-aral parin ang mga studyante kahit hindi pumapasok sa paaralan. Sa sistemang ito, pahihiramin ng paaralan ang mga mag-aaral ng module para matuto sa mga aralin. Para sa mga mag-aaral na may mga electronic gadget gaya ng smartphone at laptop, maaaring ibigay sa kanila ang softcopy ng mga module upang magkaroon sila ng ibang opsyon sa pag-aaral (Dalanon, 2020). Kadalasan, ang isang module ay pang-isang linggo, ngunit maaaring mas maikli o mas mahaba rin depende sa nilalaman at mga gawaing pampagkatuto (learning activities) na nakapaloob dito (Dalanon, 2020). Matagal nang ginagamit ang modyular na pagkatuto sa mundo. Ayon sa pag-aaral patungkol sa Distance Education (2001), ang modyular na pagkatuto ay nagsimula noong 1800, sa University of Chicago kung saan noon, ang mga guro at ang mga mag - aaral nito ay nakatira sa iba’t-ibang lugar sa Estados Unidos. Bilang solusyon sa problema ay gumawa sila ng isang systema na kung saan ay makakapag-aral parin ang kanilang estudyante nang hindi na luluwas ng kanilang Estado upang pumasok lamang sa kanilang paaralan. At doon nabuo ang modyular na pagkatuto. Dito sa Pilipinas, matagal na ring nagagamit ang sistemang modyular ngunit mga piling paaralan o unibersidad lamang ang gumagamit nito. Ayon kay Secretary Leonor Magtolis Briones sa kanyang ulat sa ating Pangulong Rodrigo Duterte kasama ang Inter-Agency Task Force (IATF), “We have been doing distance learning, blended learning for decades and decades [already]. The University of the Philippines does and specializes in distance education for the longest time and those who take up education and study education are already exposed to this”.
Explanation:
I HOPE NAKATULONG
#CARRY-ON LEARNING