Gawain sa Pagkatuto Bilang 7: Gamit ang bagong kaalaman at sariling karanasan tungkol sa pamilya, gumawa ng isang pagsusuri gamit ang paraang SWOT (Strength, Wealness, Opportunities Threats). Gamiting gabay ang mga tanong sa ibaba upang maisagawa ang gawain. Tingnan din ang halimbawa sa ibaba. Gawin ito sa iyong kuwaderno.
a. Kalakasan Anong kalakasan mayroon ang pamilyang Pilipino at ang iyong pamilya batay sa pitong dahilan? Anong natatanging kakayahan o kakanyahan mayroon ang pamilyang Pilipino at ang iyong sariling pamilya? b. Kahinaan Anong kahinaan ng pamilyang Pilipino at ng iyong sariling pamilya ang nagiging balakid sa pagkamit ng tunay nitong layunin? Anong mga suliranin ang nagiging dahilan upang hindi magtagumpay ang bawat kasapi ng pamilya na gampanan ang kanilang mga tungkulin sa pagkamit ng kaganapan? c. Oportunidad - Anong oportunidad ang naghihintay na makatutulong upang mapagtagumpayan ng pamilyang Pilipino at ng iyong sariling pamilya ang layunin nito? d. Banta - Anong banta sa pamilyang Pilipino at sa iyong sariling pamilya ang kailangang bigyan ng tuon upang hindi ganap na makaapekto sa pagganap nito ng kaniyang tunay na layunin?
