1. Alin sa mga sumusunod na pahayag ay napapatotoo sa konseptong kontemporaryong isyu?
a. Mahalaga at makabuluhan mga pangyayari na nagaganap sa kasalukuyan at sumasaklaw sa kahit anong interes ng tao.
b. Mga pangyayari na walang malinaw na apekto sa pamumuhay ng tao.
c. Mga bagay-bagay na pinaguusapan noon at wala nang kinalaman sa panahon ngayon.
d. Mga pangyayaring naganap na nakasulat lamang sa ating kasaysayan ngayon.
2. Ang pagkakaroon ng kamalayan sa mga kontemporaryong isyu sa lipunan at daigdig ay nakakatulong sa paglinang ng kritikal at malawakang kaisipan. Alin sa mga sumusunod na pahayag ay sumusuporta dito?
a. Ang suliraning kawalan ng trabaho ay isa sa mga masidhing suliranin at upang hindi mapabilang dito kailangan maiangkop ang kasanayan sa global standard ng paggawa.
b. Ang kawalan ng kooperasyon sa mga regulasyon na ipinapanukala ng baranggay.
c. Ang hindi pakikialam sa usaping halalan sapagkat hindi naman nakakatulong ang mga pulitiko sa agarang pag-unlad sa buhay ng bawat Pilipino.
d. Ang pagpapalago sa sarili gaya ng pagpapalawak ng kaalaman para sa pansariling kapakinabangan.
3. Alin sa mga sumusunod na pahayag ay hindi nagpapatunay ng pagiging mulat sa mga pangyayari sa ating lipunan at daigdig.
a. Gumagawa ng tamang desisyon ukol sa matalinong paggamit ng mga pinagkukunang yaman.
b. Kawalan ng interes sa pakikinig at pagsisiyasat kung ano ang nilalaman ng balita sa radio o telebisyon
upang mabigyan solusyon ang mga suliranin kinakaharap katulad na lamang ng isyu sa climate change.
c. Nakikiisa sa mga programang itinatakda ng pamahalaan gaya ng pagtupad sa R.A. 9003
d. Tamang nakikinig at isinasagawa ang mga hakbangin na dapat gawin kung may sakunang dumarating gaya ng bagyo at paglindol.
4. Ang pag-aaral ng kontemporaryong isyu ay sadyang napakahalaga sa kadahilanang napalalawak nito ang
ating kaalaman at nasasanay na maipaliwanag at maibahagi ang ating kaisipan. Anong benipisyo sa pag-aaral ng kontemporaryong isyu ang tumutugma sa mga sumusunod na pahayag.
a. Nahihikayat tayong makipagtalakayan sa mga kaganapan sa ating komunidad o lipunan.
b. Nahihikayat na makipagtunggali sa mga opinyon ng ibang tao.
c. Nahihikayat na mikabahagi lamang sa mga isyung kung saan tayo ay direktang apektado.
d. Nhihikayat na tayo ay makagawa ng aksiyon para sa pansariling kapakinabangan.
5. Alin sa mga sumusunod na aksiyon ang hindi nagpapakita ng pagpapahalaga sa pag-aaral ng kontemporaryong isyu?
a. Nakatutulong tayo upang tayo ay maging bahagi ng komunidad ng mundo.
b. Nakapagbibigay ng opinyon sa mga iba't ibang isyung panlipunan.
c. Nanatiling nakapiring ang mga mata sa mga negatibong kaganapan sa lipunan na ginagalawan.
d. May malawak na pag-unawa sa magkakaibang kultura.
