Isaisip Ang panlipunang papel ng pamilya ay dapat ding maipahayag sa pamamagitan ng pakikilahok at pakikiisa sa politika. Nararapat na manguna ang pamilya sa pagtiyak na ang mga batas at ang mga institusyong panlipunan ay hindi taliwas sa halip ay nagsusulong at nangangalaga sa mga karapatan at tungkulin ng pamilya. Kinakailangang magkaisa ang bawat miyembro ng pamilya sa pagtupad ng mga gagampanan na papel sa ating lipunan upang maisusulong ang maunlad at mapagmahal na lipunan. Ngayon IKAW naman ang magbibigay ng mahalagang punto tungkol sa usaping panlipunan at pampolitikal. Gawain 1 Panuto: Sagutin ang mga sumusunod na tanong. 1. Ano ang kahihinatnan sa isang pamayanan o barangay na mayroong pakikisangkot ang bawat pamilya sa panlipunan at pampolitikal na gampanin? Kung hindi kayo makikiisa sa mga gawain, ano ang maaaring mangyari sa Lipunang kinabibilangan? 2. Bakit kinakailangang makialam ang mamamayan sa kapaligiran?
