Answer:
ISANG PANATA SA PAGIGING MABUTING PILIPINO
Binuo ng Order of the Knights of Rizal Sucesos Chapter mula sa mga isinulat ni Gat. Dr. José Rizal AKO AY PILIPINO!
Katungkulan ko na tubusin ang ating bansa mula sa kanyang pagkalupig. Ang ating Inang Bayan ay nakabihag at nakagapos at kailangan natin siyang tubusin bago pa tayo makalimot.
Magiging mabuting tao ako, mabuting mamamayan, at tutulong sa ikauunlad ng bansa gamit ang aking isip at puso. Mangunguna ako sa paghubog ng aking sarili. Susubukan kong itayo ang mga haligi ng bansang Pilipino.
Magbabalik ako sa ating lupang tinubuan at magiging masaya dito. Sapagkat mas mapaglilingkuran ng mga Pilipino ang bansa kung sila ay nasa Pilipinas, at ang maglingkod sa bansa ay walang iba kung hindi ang manatili dito.
Aasamin ko ang kasiyahan ng aking sariling bansa. Ikasisiya kong tunay ang lahat ng bagay na patungkol sa kanya. Mananatili akong naglilingkod sa kanya at kung ano ang sa tingin ng aking mga kababayan na kaya kong gawin ay gagawin ko. Aalamin ko ang mga bagay na patungkol sa kanya.
Hindi ako titigil sa pagsisilbi sa kanya, na siyang humubog sa kung ano ako at nagbigay sa akin ng buhay at karunungan Pakikinggan ko ang aking budhi na nagsasabi na gawin ang aking tungkulin na siya ay mahalin.
Magiging modelo ako ng kalinisang-puri at magandang katangian sapagkat kung sino mang nagtuturo ay kailangang mas higit lagi sa kung sino ang tinuturuan.
Mamahalin ko ang aking bansa sapagkat siya’t karapat-dapat na mahalin. Mamahalin ko siya anuman ang kanyang maging kalagayan. Iisipin ko ang kanyang kapakanan at kaginhawaan.
Ipapasok ko sa aking puso ang pag-ibig sa kanya kung saan hindi ito nabubura. Mamahalin ko ang kahabag-habag nating bansa at itinitiyak kong mamahalin ko siya hanggang sa huling sandali.
Sapagkat bahagi ako ng mabuti sa mga Pilipino. Mamamayan ako ng Pilipinas, sa akin nasa mabuti siyang kamay.
Magiging abala ako sa pagsusumikap para sa lalong ikadadakila ng Pilipinas. Dahil bilang Pilipino, kapag ninais ko, kayang-kaya ko itong makamit. Para sa kabutihan at kapakanan ng lupang tinubuan na siyang aming nais. NON OMNIS MORIAR! Ito ang panata ko sa bayan nina Rizal, Bonifacio, at ng ating mga bayani. Kasihan nawa ako ng Bathalang Maykapal.
Explanation:
Sana nakatulong
