Answer:
1. Ang Desertification o tinatawag ding pagdidisyerto ay tumutukoy sa pagkatuyo ng mga lupa, ang matatabang lupa na taniman ng mga magsasaka ay nawawalan ng nutrisyon at nauuwi nga sa tuluyang pagkatuyo ng mga lupain.
2. Ang Salinization ay tumutukoy sa pagkakaroon ng asin sa mga lupa, na kadalasan ay nagiging nakamamatay sa mga halaman o yaong mga pinapatubo o itinatanim na halaman. Ang asin sa lupa ay nakapagbabawas ng kakayahan ng lupa kung kaya't ang mga halaman ay walang nakukuhang nutrisyon mula rito.
3. Ang Siltation ay mula sa wikang Ingles na isang uri ng polusyon mula sa tubig. Ito ay mula sa salitang ugat na silt na may kahulugang isang uri ng materyales na nahahawig ang pisikal na katangian nito sa buhangin o lupa. Ang siltation ay dulot ng pagguho ng lupa na nagiging sanhi ng paglabo at pagdumi ng bahagi ng tubig. Kadalasan itong nangyayari sa mga ilog o iba pang maliliit na agusan ng tubig.
4. Ang Deforestation ay isang pamamaraan ng pagsira sa kalikasan. Ito ay isang proseso na dulot ng pagkilos ng tao sa kapaligiran. Ang mga pangunahing dahilan na nag-udyok sa deforestation ay ang paggamit ng mapagkukunan ng kagubatan para sa industriya ng kahoy, ang pag-clear ng mga mahahalagang bahagi ng lupa para sa agrikultura at hayop, pati na rin ang industriya ng pagmimina.
5. Ang Ecological Balance o tinatawag rin na balanse ng kapaligiran ay isang teoryang binuo na naglalayong ipabatid na ang isang ecosystem ay kadalasang nasa isang matatag na punto ng balanse o tinatawag na homeostasis. Nangangahulugan lamang ito na ang isang maliit na pagbabago na dulot ng isang negatibong feedback ay maaaring makapagbalik sa orihinal nitong normal na balanse.
6. Ang Biodiversity ay ang kabuuan ng lahat ng nabubuhay sa ating planeta o sa isang lugar. Kasama dito ang mga halaman at hayop na direkta at hindi direktang nakikinabang sa isa’t isa.
