Sagot :
Answer:
Ang Mga Hinagpis ni Florante"
Sa labas ng Albanya ay may isang madilim na gubat, na kung saan sa gitna nito ay may isang puno ng Higera na may binatang nakatali, nagdurusa at naghihinagpis sa kaniyang kalagayan at sa sinasapit ng kanilang kaharian.
Ang gubat ay may naglalakihang mga puno na may malalaking mga dahon. Kung kaya sa loob ng gubat ay madilim, dahil napipigilan ng mga dahon ang pagpasok ng liwanag sa loob ng gubat. Ang mga puno ay ginagapangan ng mga dawag at baging na may mga tinik. Mga mababangis na hayop din ang gumagala-gala sa loob ng gubat. Mga serpiyente, hyena, tigre at leon. Napaka-lungkot sa loob ng gubat na iyon. Maging ang mga huni ng mga ibon ay napakalungkot pakinggan. Ang wangis ng mga bulaklak ay waring nagpapahiwatig din ng kalungkutan. Ang mga amoy nila ay di-kaaya-aya. Sa gitna ng gubat nakatali ang isang binate na nagngangalang Florante, na tila isang diyos sa wangis at kakisigan. Siya ay labis na naghihinagpis sa kaniyang kalagayan. Malayo sa kaniyang mga mahal sa buhay. Idagdag pa ang hindi magandang kalagayan ng kanilang kaharian. At dahil na rin sa kalagayan at kapaligiran ng gubat, mas nadagdagan pa ang kalungkutan ng binata. Naguguluhan ang isipan ni Florante sa kaniyang sinapit. Hindi tuloy maiwasan ng binata na magtanong sa langit kung bakit iyon ang kaniyang kalagayan, at kung bakit lumalaganap ang kasamaan. Nawawalan na ng pag-asa si Florante.
Explanation:
Answer:
Sa gitna ng mapanglaw at malawak na gubat, isang lalaki ang nakagapos sa malaking puno ng Higera. Ang lalaking iyon ay ang magiting na si Florante.
Ang dating tinitingalang mandirigma ay walang magawa ngayon at nakagapos lamang sa isang puno sa kagubatan.
Tahimik man ang gubat, mga lagaslas man ng dahon at puno ang tanging naririnig, batid niya na ang katahimikan ay nangangahulugan din ng kapahamakan.
Sa gubat ay naglalagi ang mga mababangis na hayop na anumang oras ay maaaring umatake at kitilin siya lalo’t wala siyang magagawa dahil sa kaniyang pagkakagapos.
Ang katahimikan din ay ang nagdudulot sa kaniya ng matinding pagkalungkot. Kahit ang huni ng mga ibon ay malungkot din ang tunog para kay Florante. Hindi mapigilang malungkot at mabalisa dahil sa kaniyang kalagayan.
Naghihinagpis siya dahil walang magawa ngayon ang dati’y tinitingalang siya. Ngayon ay malayo siya sa kaniyang mahal sa buhay. Hindi niya matanggap na naging biktima siya ng kasamaan ng isang tao. Hindi niya matanggap na wala siyang nagawa upang pigilan ang kasamaang iyon.
Hindi matapos sa pagtangis si Florante dahil sa sama ng loob. Dahil batid niyang malawak ang gubat, nawawalan na siya ng pag-asa na siya ay makaliligtas pa at muling makakapiling ang kaniyang pamilya at sinisinta.