II. Buuin ang mga sumusunod na pangungusap na naghahambing sa mga uri ng pelikula sa pamamagitan ng pagpupuno sa patlang ng angkop na salita mula sa kahon. Letra lang ng sagot ang isulat. Kung ang (6)._____ ay mga pelikulang nagpopokus sa mga personal na suliranin o tunggalian, nagtutulak ito sa damdamin at ginawa upang paiyakin ang manonood, ang (7)_____ naman ay mga nagpapatawang pelikula kung saan ang mga karakter ay inilalagay sa mga hindi maisip na sitwasyon Ang (8)_____ ay nagnanais na takutin o sindakin ang manonood gamit ang mga multo, bangkay o mga kakaibang nilalang samantalang ang (9)_____ ay mga pelikulang base sa mga tunay na kaganapan sa kasaysayan. Kung ang (10)._____ ay pelikulang gumagamit ng mga larawan o pagguhit upang magmukhang buhay ang mga bagay na walang buhay, ang (11)____ naman ay mga pelikulang nag-uulat sa mga balita, o mga bagay na may halaga sa kasaysayan, pulitika o lipunan
A. Dokumentaryo B. Animasyon C. Katatawanan D. Drama E. Historikal F. Katatakutan
