B. Basahing mabuti ang mga sumusunod na pahayag. Isulat ang salitang Tama kung ang pahayag ay nagpapakita ng pasasalamat, paggalang at pagmamahal sa Diyos at sa kapwa at Mali naman kung hindi. 1. Matalik na kaibigan sina Feli at Gab. Kahit magkakaiba ang kanilang relihiyon ay iginagalang nila ang opinyon at paniniwala ng isa't isa. 2. Hindi nakakaligtaan ni Mario ang magsimba at magpasalamat sa Diyos sa lahat ng biyaya na kanyang natatanggap. 3. Hindi pinapansin ni Lorna ang kanyang mga kaibigan na nag-aalok sa kanya na magsimba at maging bahagi ng kanilang programa sa simbahan. 4. Nakabili ng maraming gulay si Aling Fely sa palengke dahil bumagsak ang mga presyo nito. Kaya naman binigyan niya ng mga gulay ang kanyang kapitbahay na hindi makabili dahil sa kapus ang mga ito sa pera. 5. Nagmamayabang si Drew dahil nanalo siya sa " Tiktok Contest" sa kanilang paaralan. Sarili niya lamang ang kanyang pinasalamatan dahil naniniwala siya na mayroon siyang angking kakayahan na wala ang iba. 6. Sinasaktan ni Femie ang kanilang mga alagang hayop tulad ng aso at pusa. Kahit pinagsasabihan siya ng kanyang ate na mahalin ang mga ito ay hindi siya nakikinig bagkus hinahampas niya pa ng walis ang kanyang ate. 7. Masyadong mayabang si Gene dahil mas nakakaangat sa buhay ang kanyang pamilya kumpara sa kanyang mga kaklase. Lagi niyang minamaliit ang mahihirap niyang kaklase kahit kaibigan niya ang mga ito.8. Nagkaroon ng malubhang sakit si Mang Ador. Araw-araw itong nanalangin sa Diyos at sinasabayan niya ng pagkaing masustansiya at pag inum ng mga gamoy niya. Dumating ang araw na siya ay tuluyang gumaling, Mula noon, tumutulong na siya sa mga kapitbahay niya na may sakit sa abot ng kanyang makakaya bilang pasasalamat sa ating Panginoon, 9. Lumaki si Jino sa isang mahirap na pamilya. Maraming pagsubok ang dumaan sa kanila at lahat ng iyon ay kanilang nalampasan. Hindi magawa ni Jino ang magpasalamat sa Diyos bagkus lumayo ang loob niya sa Panginoon dahil lahat ng kanilang pagsubok ay sinisisi niya sa ating Amang Lumikha 10. Nagtatrabaho sa ibang bansa ang mga magulang ni Lindy. Nagpapadala ang mga ito ng maraming mga damit, tsokolate at iba pa. Minsan ay pupunta sa bahay nina Mely ang kanyang pinsan na si Lory, mahirap lamang ang pamumuhay nina Lory dahil walang trabaho ang kanyang mga magulang dahil may sakit ang mga ito. Dahil labis ang kabutihan ng puso ni Lindy ay binigyan niya ang pinsan ng mga damit, tsokolate at kung ano-ano pa na makakatulong sa pamilya ng kanyang pinsan.
