Isang tourist guide si Lea sa Sapporo, Japan na nakatakda na sanang magpakasal sa kaniyang Japanese fiancé kung hindi lang niya ito nahuling may ibang babae. Dahil sa galit at stress na naramdaman ay unti-unting nawalan ng paningin si Lea. Habang sinasanay ang sarili sa buhay ng pagkakaroon ng panandaliang pagkabulag ay makikilala ni Lea ang kapit-bahay nitong si Tonyo, isang Pinoy na hindi man nabiyayaan ng angking gandang lalaki ay mayroon naman itong mabait na kalooban at nakakatuwang ugali. Si Tonyo ang mag-aalaga sa dalaga samantalang si Lea naman ang magbibigay kulay sa tahimik na buhay ng binata. Hanggang sa sila'y maging magkaibigan at 'di naglaon ay magkakaroon ng magandang ugnayan.
