Panuto:
A. Basahing mabuti ang mga situwasiyon sa ibaba.
B. Suriin kung ang mga tao sa bawat situwasiyon ay nagpapakita ng paggalang o hindi paggalang sa dignidad ng sarili at kapuwa. Ipaliwanag ang iyong sagot. Situwasyon

1. Nagmula si Julius sa isang mayamang pamilya. Gayunpaman, inaatasan pa rin siya ng kaniyang magulang na tumulong sa gawaing-bahay kahit sila ay may mga kasambahay. Sa kaniyang libreng oras, tumutulong siya sa paglilinis ng kuwarto, pagluluto at pag-aalaga ng kanilang aso. Sa oras ng pagkain, inaanyayahan niyang sumabay sa kaniya ang mga kasambahay.

Situwasyon 2. Habang namamasyal sa parke si Mark, isang lalaking may kapansanan ang hindi inaasahang natumba. Nahulog ang kaniyang mga dalang gamit. Agad na lumapit si Mark upang tulungang makatayo ang lalaki. Pinulot at nilinis din niya ang mga nalaglag na gamit. Inalalayan niya ito sa pinakamalapit na upuan at binilihan pa ng maiinom na tubig.

Situwasyon 3. Isa sa mga pinakasikat na manlalaro ng basketball si Mikey sa kanilang paaralan. Isang araw habang siya ay naglalakad papunta sa locker sa kanilang gym, hindi sinasadyang nabangga siya ng isang lalaki. Napagtanto niya na ito ay isa sa mga manlalaro ng nakalaban nilang koponan ng basketball. Sa kasamaang-palad, natalo sila sa larong iyon. Sa inis niya, sinigawan at hinamon niya ng suntukan ang lalaki.​