Answer: yan na po
Explanation:
Epidemya (COVID-19)
Sandy Panganiban
Sa panahon ngayo'y ingatan ang sarili
Dahil biktima ng virus ay sadyang dumarami
Mapabata man o matanda, walang pinipili
Kaya paalala ko'y sa tahanan ay manatili
Paghuhugas ng kamay ay ating ugaliin
Kung aalis man, alcohol ay baunin
Mga paalala sa TV ay ating sundin
Ito'y para rin sa kaligtasan natin.
Huwag hahayaang matuyo ang lalamunan
Pag-inom ng tubig ay huwag ipagpaliban
Iwasan ang malamig at baka makasanayan
Pag-iingat sa sarili ay pahalagahan.
Sa mga estudyanteng lubhang nagsasaya
Dahil sa pagkansela ng pasok sa eskwela
Alamin ang dahilan at huwag basta tumawa
Pagpasa ng iyong grado'y h'wag sa virus iasa.
Pagpunta sa matataong lugar ay iwasan
Pakikisalamuha sa iba ay 'yong bawasan
Sa ating pag-ubo'y bibig ay takpan
Maging mabuting ehemplo sa mga kabataan
Takot at pangamba, sa lahat ay mababakas
Hiling ng bawat isa'y makahanap ng lunas
Nang masilayan pa ang magandang bukas
Magkaroon ng masaya at maligayang wakas
Mga biktima nito ay h'wag husgahan
Pagkakaroon ng sakit ay di kagustuhan
Ating ipagdasal kanilang kaligtasan
Sa ganitong paraan natin sila matutulungan
Mga doktor at nars ay sadyang kahanga-hanga
Kanilang propesyon ay tunay na ginagawa
Kahit buhay man nila ay itinataya
Walang pag-aalinlangan basta't makatulong sa kapwa
O, Panginoong Diyos, mundo ay yakapin
Bigyang lakas-loob ang bawat-isa sa'min
Pagsubok na bigay ay malulutas rin
Mga panalangin namin sana'y iyong dinggin.
