Nasa sentro ng paglipat sa federalismo ang piskal na federalismo. Ang mga sumusunod na prinsipyo ang siyang susundin. Una, ang sistema sa pagbubuwis ay susunod sa malaganap na tinatanggap na prinsipyo ng isang mahusay na sistema ng pagbubuwis (i.e., ang mga pinagkukunang estasyonaryo tulad ng buwis sa pag-aari at negosyo ay dapat mapunta sa rehiyonal na pamahalaan, samantalang ang mga gumagalaw o pabago-bago tulad ng value added tax o VAT, customs o adwana, tax on national wealth o buwis sa yamang pambansa, at excise tax o buwis sa produktong tulad ng alak para sa lokal na merkado ay dapat kolektahin at ipamahagi ng federal na pamahalaan).
