Basahing mabuti ang teksto at sagutin ang mga sumusunod na tanong tungkol dito.
Nakaranas ka na bang magkaroon ng sipon? Minsan, akala natin ang sipon ay pangkaraniwan lamang. Ngunit ang karaniwang sipon ay nakakaapekto sa lahat ng bahagi ng katawan. Nagsisimula ito sa ilong at sa bandang huli, maari rin itong bumaba sa baga. Aton sa DOH, ito ay isa sa mga sintomas ng COVID-19 kaya hindi ito dapat ipagwalambahala.
Madaling makapasok ang mga virus ng sipon sa katawang may mahinang resistensya. Ang pangangaligkig ng katawan ay nangyayari sa mga taong may mababa o mahinang resistensya. Ang kakulangan sa tulog ay maaaring maging isa pang dahilan kung bakit madaling kapitan ng sipon.
Ang pagkakaroon ng malusog na katawan ang pinakamahalaga upang maiwasan ang sipon at iba pang uri ng sakit. Magagawa ito sa pamamagitan ng pagkain ng mga prutas, gulay at pag-inom ng maraming tubig. Mahalaga rin ang ehersisyo ng katawan, sapat na pahinga at pag tulog. Higit sa lahat, panatalihing malinis ang ating katawan.
1.Tungkol saan ang tekstong iyong binasa? 2.Ano ang paksa sa unang talata? 3.Ano naman ang ipinahahayag ng ikalawang talata? 4.Anong kaisipan ang sinasabi sa huling talata? 5.Paano mo isusulat ang buod nito?
