Sa ilang taong pamamalagi ng espanyol sa bansang Pilipinas ay madami na din itong naging impluwensya sa mga Pilipino. Bagama't hindi naging madali ang karanasan ng mga Pilipino sa kamay ng mga espanyol, ngunit di natin maipagkakaila na may mga pamana ang mga kastila na hanggang ginagawa pa din sa kasalukuyan. Kabilang sa mga impluwensya ng mga Espanyol ay ang pagpapalaganap ng relihiyong kristiyanismo, pagdadasal ng pamilya, pagdadalo sa mga banal na misa at pagpapakasal sa simbahan. May impluwensya din ito sa kaugalian ng mga pinoy, katulad ng pagmamano sa matatanda. Espanyol din ang nagpakilala sa mga pilipino tungkol sa pagdiriwang ng pista para pasalamatan ang mahal na patron.
