Ang industriyalisasyon ay isang pagbabago sa isang bansa na sumisimbolo sa pag-unlad nito. Pinapakita dito na may kakayahan at higit na kapasidad ang isang bansa upang gawing industriyalisado ang isang bansa.
Ang halimbawa nito ay ang paggamit ng mga makinarya o makabagong teknolohiya para sa pagproseso ng mga produkto kaysa sa pagmamano-mano. Masasabing malaki ang naitulong ng industriya sa ating mga mamamayan at sa ekonomiya ng bansa dahil nagbibigay ito ng mga produktong ating pinapakinabangan sa pang-araw araw na pangangailangan. Sa panahon natin ngayon kapansin-pansin ang mga magandang pagbabago sa buhay ng tao ngayon kaysa dati. Lalo na para sa mga manggagawa, gaya ng mga magsasaka na napadali ang pagtatanim hanggang sa pag-ani. Dahil na rin sa pagsulpot ng mga pabrika ay marami ang nabigyan ng mga trabaho dahil sa mga makabagong makinarya na kanilang ginagamit sa paglikha ng mga produkto, dahil dito mas nagbibigay ito ng mas mataas na kalidad ng produkto. Nakatutulong rin ito sa ekonomiya ng bansa sa pamamagitan ng pag-export ng produkto at hindi na aasa pa ang ating bansa sa mga imported.
Ngunit kinakailangan rin na malaman na sa kabila ng mga magagandang dulot nito ay may kaakibat rin na negatibong epekto tulad ng global warming, polusyon sa tubig dahil sa mga dumi at kemikal na dumadaloy dito mula sa mga pabrika, polusyon sa hangin dahil sa usok na mula sa mga pagawaan o pabrika, pagkasira ng gubat, pagkasira ng dagat at pagka-ubos ng ibang hayop, pati ang kalusugan ng mga tao ay naaapektuhan rin dahil sa polusyon. Hindi naman masama na umunlad, matuto lang tayong gumawa ng tama at wag abusuhin lahat ng mayroon tayo.
