Explanation:
Katangi-tangi ang mga Asyano. May sarili silang awit, tula, pangarap, at adhikaing hangaan. Sila ay mga taong may maningning na kinabukasan sa lahat ng larangan. Marami na silang hinarap na digmaan, kalamidad, at mabigat na suliranin, subalit ang Asyano ay tumatayo, taas-noo, at humahanap ng solusyon. Ang Asyano ay may kakayahang makabangong muli sa anumang kasawian, kapahamakan, o suliraning dumarating sa kanilang buhay. Sila ay tulad ng punong kawayan na dagliang tatayo makalipas ihapay ng bagyo. May tatlong araling inihanda para sa iyo sa modyul na ito: Aralin 1: Komposisyon Etniko ng mga Rehiyon Aralin 2: Antas ng Kabuhayan sa mga Bansang Asyano sa Lebel ng Teknolohiya Aralin 3: Populasyon, Komposisyon Ayon sa Gulang, Haba ng Buhay, Kasarian, at Bilang ng Marunong Bumasa at Sumulat Pagkatapos ng modyul na ito ay inaasahang malilinang sa iyo ang mga sumusunod na karunungan: 1. Mailalarawan ang komposisyong etniko ng mga rehiyon sa Asya at nasusuri ang kaugnayan ng paglinang ng wika sa paghubog ng kultura ng mga Asyano; 2. Nasusuri ang antas ng kabuhayan ng mga bansang Asyano batay sa level ng teknolohiya, uri paglilingkod sa panlpunan at pangkabuhayan; 3. Nahihinuha ang mga implikasyon ng antas ng kabuhayan level ng teknolohiya, at paglilingkod sa kabuuang pamumuhay at pangkabuhayan; at 4. Nasususri ang kaugnayan ng Yamang-tao ng mga bansa ng Asya sa pagpapaunlad ng kabuhayan at lupain sa kasalukuyang panahon batay sa: Dami ng tao, Komposisyon ayon sa gulang, Inaasahang haba ng buhay, Kasarian, Bilis ng paglaki, Uri ng hanapbuhay, Bilang ng mga hanapbuhay, Kita ng bawat tao, Bahagdan ng marunong bumasa at sumulat, Migrasyon.
3. 3 Handa ka na ba? Subukan mong sagutin ang mga sumusunod na tanong. Huwag kang mangamba sa pagsagot. May mga tulong sa pag-aaral na inihanda para sa iyo. PANIMULANG PAGSUSULIT: Panuto: Suriin at ibigay ang tamang kasagutan. Bilugan ang titik. 1. Saan matatagpuan ang pinakamataong kontinente? A. Aprika B. Europa C. Asya D. Hilagang Amerika 2. Anong lahi ang tinatawag na mga “mestizo”? A. Eurasian B. Tangway ng Indian C. Mehikano D. American 3. Ano ang tumutukoy sa makabagong pamamaraang ginagamitan ng makina? A. Teknolohiya B. Pabahay C. Populasyon D. Edukasyon 4. Anong bansa ang may taunang pagtaas ng populasyon sa Asya na tinatayang 1.8 porsyento? A. Pilipinas B. Tsina C. India D. Brunei 5. Anong bansa ang hindi mayaman sa langis? A. Saudi Arabia B. Qatar C. UAE D. Philippines 6. Ano ang may pinakamataong bansa sa Asya at sa buong daigdig? A. India B. China C. Philippines D. Indonesia
