a II. Panuto: Gumawa ng kritikal na sanaysay tungkol sa naging resulta ng iyong pagtatanong. llahad nang maayos ang iyong nabuong konklusyon bilang isang kabataan na nagpapahalaga sa mga katutubong kulturang Pilipino. Bago mo simulan, basahin at unawain mo munang mabuti ang mga hakbang sa paggawa ng kritikal na sanaysay. HAKBANG SA PAGGAWA NG KRITIKAL NA SANAYSAY 1. Tukuyin ang iyong pangunahing argumento. Dito iikot ang iyong sanaysay. Simulan ang iyong sanaysay sa pamamagitan ng paggamit ng pangungusap na pupukaw sa atensyon ng iyong mambabasa at makakatumbok agad ng iyong paksa. 2. Magbigay ng maikling background para sa iyong mga mambabasa. Ito ang magbibigay ng impormasyon sa iyong mambabasa para mas madali nilang maintindihan ang iyong sanaysay. 3. Lipunin ang mga ebidensya na sumusuporta sa iyong argumento. Gumawa ng pananaliksik mula sa mga mapagkakatiwalaang mga basehan. Siguraduhin na ang mga basehan na gagamitin mo ay lehitimo at totoo. 4. Gamitin ang katawan ng iyong sanaysay upang matalakay ang mga punto ng iyong argumento. Importante ang bahagi ng katawan dahil dito mo mapapaliwanag ang mga ideya na susuporta sa iyong argumento. Ilahad nang maayos ang mga pahayag sa pag-aayos ng datos. Kung magbibigay ng mga halimbawa at mga patunay, gumamit ng mga katagang una, isa pa, at iba pa.​